A cow goes moo!

Lalsangpuia Ralte

<!-- Just another web enthusiast. -->

Hi, puih theihna che ka nei em? 🙂

Android

Android application ka siam thei a, mimal leh pâwl engemaw zât ka lo siam sak tawh.

WEB

Hmân atanga tûn thlengin mimal leh pâwl website ka siam sak thin a. Tin, internet kaihhnawih hrim hrim ah pawh mi tam tak ka lo pui tawh thin.

VIDEOS

Video kaihhnawih (Film, Music Videos, Documentary etc.) ka khawih thei vek a, kum tam tak experience nei tawh ka ni.

Latest from the blog

  • Facebook embed post

    A hnuaia mi hi facebook a ka status a ni a, facebook embedded posts feature hmangin tah hian ka suan lût a ni. Embedded Posts hian HTML iframe a hman avangin duh anga customize theih erawh a ni lem lo thung. Hei bâkah hian embedded videos leh comments a awm bawk. Embed post hman dawn chuan kan status privacy hi public-ah set a ngai thung. Tin, status ringawt ni lo public a photos kan upload te pawh a embed theih bawk. La hre ngai lemlo tân facebook developer page-ah hian a chhiar theih e.facebook embed post […]

  • WordPress leh SMTP

    WordPress hi free & open-source content management system (CMS) ah chuan a lâr ber pâwl a ni awm e. Website lâr leh lian tak tak heng TechCrunch, Facebook Newsroom, Microsoft News Centre, Mozilla Blog, BBC America, Sony Music, MTV News, Vogue India leh Walt Disney Company te pawh in WordPress hi an hmang hlawm a ni. He website software hi Mizo zîngah pawh hmân ațangin kan hmang fer fur tawh a, mi țhenkhat eng nge a nih hre chiah lo pawh in WordPress.com hnuaiah blog kan nei fur awm e.WordPress ah chuan default email (wordpress@kandomainhming.com) hmangin mail a thawn chhuak țhin a. Plugins țhenkhat hmangin a thawn chhuahna email address hi tih danglam theih mah se a châng chuan a lo dawng tu spam/junk email folder ah a lut țhin a ni. SPAM folder-a lut lo tûr chuan kan SMTP account hmangin mail hi thawn chhuak turin wordpress plugins hmangin a tih theih a. Amaherawhchu, web hosting kan leina azirin limit leh restriction an la siam leh zêl a, entirnan GoDaddy leh free web hosting provider ang chi te, chuvangin SMTP plugins install pawh ni ila awmzia a nei dawn lo a ni.Tih dan hrang hrang ka google hnu a țha ta ber chu kan website, company emaw firm emaw hminga Gmail account siam a, gmail SMTP server hmanga email thawn chhuak tura tih a ni. Tichuan Gmail hmanga mail thawn chhuah anih chuan a lo dawngtu spam folder-ah ah lût tawh lovin inbox pangngai ah a lût thei tawh dâwn a ni. Gmail SMTP settings chu a hnuai ami ang hi a ni.Gmail SMTP server address: smtp.gmail.comGmail SMTP username: gmail address (e.g. username@gmail.com)Gmail SMTP password: gmail passwordGmail SMTP port (TLS): 587Gmail SMTP port (SSL): 465Gmail SMTP TLS/SSL required: yesGmail SMTP hmang chung pawh khian hosting țhenkhat (GoDaddy) ah chuan mail a la thawn chhuak thei lo cheu ang. Chutiang anih thung chuan SMTP hmang lovin Postman Plugins hmang hian mail a thawn chhuah tîr theih bawk. Postman hian Google OAuth 2.0 a hman avângin hosting lamin SMTP hi restrict mahse mail a thawn chhuak thei vek tho a. Mahse chumi tûr chuan postman plugins khi google-ah permission kan pêk hmasak phawt a ngai a. Plugins install hnuah khian a tih dân tur wizard a awm vek avângin sawi a ngai hran lo tûr ah ngai ila.A tâwp han khaikhawm nan GoDaddy leh free hosting hman chuan SMTP restriction a awm țhin avângin Postman Plugins hmang hian WordPress mail thawn tîr tûr a ni. Tichuan, i website ațanga mail thawn chhuah rêng rêng chu spam anga kal lovin user, customer te inbox a thlêng zêl ang. Hosting pangngai BigRock angah te chuan postman hmang kher lo pawhin Easy WP SMTP plugins hmang te pawhin awlsam te a email thawn tîr theih a ni. […]

  • TV Programme set thin tute tan computer tip

    Mizoram khaw tin deuh thaw ah Local Cable TV Operator kan awm ta. A țhen chuan Local Channel te neiin film leh programme chi hrang hrang te kan chhuah (playback/broadcast) țhin a. Chutiang programme te chhuah nân chuan Broadcast Software chi hrang hrang kan hmang fur awm e. Tuna kan sawi tur hi chutiang broadcast software hmanga TV programme set țhin tute leh Microsoft Windows OS ngei hmang tute tân deuh bîk a ni.TV programme kan set chuan kan thil chhuah tur video sei zâwng (duration) kan hriat chian a pawimawhzia kan hria ang a, video duration hrechiang lova kan set tawp tawp chuan programme a mumal dawn lovin a châng leh film a chhuah tâwp hmain film dang a lo ințan ang a, a châng leh channel logo animation clip (montaz) te emaw a kal nawn tlut tlut țhin ang. Chumi pumpelh tur chuan kan programme set tur video duration hi a minute leh seconds nên lam fimkhur taka duan (set) a ngai țhin a ni. Network lian tak tak HBO, Star TV-te emaw broadcast software leh an tihdan erawh kan hriatloh rualin an ni chu lo dahțha ta ila.Mizo video editor-te uluk leh taima êm êm an awm laiin țhenkhat erawh edit puat a, a chhuahleh (playback) na tur lam device/hardware... TV Channel emaw, screen projector emaw, DVD/VCD player emaw flat TV emaw lam ngaihtuah zui tawh miahlo an awm țhin. Chutiang hriatloh vâng emaw uluk loh avâng chuan TV programme lo set-tu in harsatna tam tak a tawh phah thei a ni. Entirnan, video editor pakhatin advertisement clip a edit sei zâwng (duration) chu minute 1 leh seconds 10 lo ni ta ang se, programme lo set-tu (schedule-tu) chuan minute 2 a tlin lohna seconds 50 la bâng zawng khi clip dangin a hnawhkhah a lo ngai ta a, seconds 50 lek clip dang a zawn a lo ngai ta a ni. A tlângpuiin local-ah chuan advertisement clip duration hi 30 emaw 60 secs a ni tur a ni pawh lo ti ila, a chunga kan sawi ang editor zawmthaw deuh ho khi chuan an edit pêl tlângpui leh nge nge țhin.Advertisement clip chauh lovah pawh music videos emaw film emaw pawh lo nise, playback dâwnin duration laklawh deuh deuh a tam țhin. Broadcast software kan hman azirin software changkâng deuh chuan timing laklawh deuh te chu lo adjust thei tho mahse software țhenkhat ah erawh a theih ve loh ang a, chutiang hunah chuan computer-a video clip kan neih zawng zawng sei zâwng (duration), eng ang file format nge a nih (mp4 nge avi etc.), video frame size len zâwng te nên lama awmze nei taka inremkhâwm tîr (organize) dân 'Windows Search' hmangin i han sawi dâwn teh ang.A hmasa berin My Computer kan hawng ang a, navigation bar-a search-na laiah a hnuaia mi ang hi kan chhû ang (keyboard shortcut: F3):kind:videotikhian computer-a video clip awm zawng zawng a lo lang ang a, duration sei deuh emaw tawi deuh emaw kan duh chuan 'length' tih hi kan chhut belh leh ang a, option thlan tur very short, short, medium, long, very long tih te a rawn pe ang:kind:video length:mediumVideo hrang hrang a rawn zawng hmu țeuh ang a, a duration zât dik tak erawh a lang nghâl lo thung ang. Chumi tilang tur chuan Menu bar hnuaia Size, Folder tih vêl awmna laiah kan right-click ang a, More... tihah kal lehin 'Length' tih hi kan zuk select chhuak ang a, tichuan videos ho duration dik tak chu a lo lang tuarh tawh ang. Tichuan 'length' tih a lo lan tawh hnua 'Length' tihlai kan click chuan video sei zâwng a tawi ber ațanga a sei ber emaw, video sei ber ațanga a tawi dân indawtin a inthlâk thleng thei bawk ang.Tikhian video duration chu kan hrethei ta a, video format hrang hrang avi, mpg, mp4, mkv, flv etc. te a hmu țeuh ang a, broadcast software-in AVI emaw MP4 chauh emaw lo play thei ta ang se... search-na ah khan 'type' tih kan chhut belh leh anga, tichuan kan duh ber mp4 chauh emaw kan tichhuak (filter) leh thei ang:kind:video length:medium type:mp4 Tin HD videos ho chauh kan zawn chhuah duh pawn frame width emaw height hmangin kan la zawng chhuak thei cheu bawk:kind:video length:medium framewidth:1280Full HD videos zawn duh pawhin:kind:video length:medium framewidth:1920 frameheight:1080 Tikhian computer-a videos awm ho chu awlsam tein kan thliar zung zung thei ta a, TV programme schedule tur video clip thlan chungchangah a puih ngei che ka beisei. […]

  • Sawrkar phal loh website tlawh ru ang!

    Engvangin?Keini ang ram rethei leh kilkhâwra chêng chuan film chhuak thar download nân te, music track leh hlâ download nân te, software download nân te leh kêng kûng han en ve zeuh nân te kan duh. (Bâkah facebook-a ka ṭhian pakhat computer leh internet hre ve deuh si hian uang miah lova group pakhata a tihdân a zawh ka hmu tawh a, chu chuan min ti ziak châk ve hrim hrim :-P)Engtin?Computer a Google Chrome hmang tânComputer a Mozilla Firefox hmang tânAndroid Mobile Phone hmang tânComputer a Google Chrome hmang tân:Chrome atân chuan chrome extensions Unlimited Free VPN - Hola hi kan install ang."HOLA! - FREE and secure VPN. Access websites blocked or censored in your country, company or school and stream media with the free Hola Unblocker VPN proxy service."Hola-ah hian account siam a ngai hran lova, install zawh veleh Chrome close-na hnuaia hola icon kan click ang a, ram khawi emaw ber kan thlan hnuah sawrkâr leh ISP ṭangkawp ten an block website chu kan hawng zet zet thei tawh ang.hola! VPNComputer a Mozilla Firefox hmang tân:Firefox atân chuan firefox addons Hoxx VPN Proxy hi kan install ang a, mahse FREE account siam a ngai ve thung. "Hoxx VPN Proxy service to unblock blocked websites, hide your location and encrypt your connection. Completely free."Firefox close-na hnuaia Hoxx icon aṭangin account kan siam ang a, kan login hnuah ram hrang hrang thlan tûr lo awm zînga kan duh ber kan thlan hnu chuan kêng kûng website website block kan en thei tawh ang.Android Mobile Phone hmang tân:Android-ah chuan play store aṭangin Hola Free VPN Proxy hi install leh mai tûr a ni. App hawn hnuah amah aṭangin website a hawn nghal theih a, duh chuan browser dang kan install chawp hmangin a hawn theih bawk. App hawn hian tihdân tûr a man theih nghâl mai a, sawi belh tûr vak a awm hran lo.He post hi a rintlâk em?I install zawhah i test duh chuan What Is My IP? website hi a chunga kan sawi VPN extension/addons off/disable chungin hawng phawt la, i on/enable leh hnuah a dik leh dik loh chu i hre mai ang.A hlauhawm em?Are you a criminal now? Users may get 3 years in jail for viewing torrent site, blocked URL in IndiaYou may face 3 years jail term for viewing Torrent websites in IndiaYou may get 3 years in jail, fine of 3 lakhs for viewing a torrent site in India […]

  • Facebook propic khawiah pawh!

    Blog hi ka dah khawhar thei êm mai facebook application ka tuipui leh buaipui hun lai kum 2011-2013 vêla ka hman țangkai êm êm facebook profile picture lâk chhuah a, propic an thlâk hnu pawha automatic-a lo in update ve zêl tura tih dân ka rawn thar thawh leh dâwn a ni. Ka hmanna facebook application Group join zât hriatna leh Group Founder Hriatna ah te hian a duh tân chuan tun thlengin en theihin a la awm reng e.A țangkaina, hmanna tûr leh hman duh dân chu mahni remhriatna ni ta mai se. Personal website, blog profile author (a post tu pic) emaw web page khawi emaw laia facebook profile pic dahlan ve hrim hrim duh chuan a hnuaia kan sawi tur step awlsam tè tè ang hian tih mai tur a ni.A hmanna example.Step 1: Kan facebook profile id kan hriat hmasak phawt a ngai.Facebook developers tool Graph API Explorer hmangin a hriat theih a, a aia awlsam zâwk Find your Facebook ID website hmang hian a hriat theih bawk. A hnuhnung zâwk website-ah hian kan facebook profile link kan paste ang a, chumi hnuah kan profile id chu min lo pe mai dâwn a ni.findmyfbid.comStep 2: A chunga kan sawi lan zuai Graph API link hmangin kan profile id hmuh chhuah tâk kan zawm ang, hetiangin:https://graph.facebook.com/100001549801107/picture?type=largeAPI link tâwpa 'large' aia value dang hman theih te: small, normal, album, square. Tin, 'large' hi kan la duhkhawp lo fo anih chuan custom size hetiang hian kan pe chawp thei bawk:https://graph.facebook.com/100001549801107/picture?type=large&redirect=true&width=300&height=300Step 3: Link kan siam zawh tâk khi a dik leh dik loh hre tûrin browser-ah paste in en la, a dik chuan profile picture a lo lang ang.Final step: Engkim a dik vek chuan kan link khi html image tag hmangin emaw CSS emaw hmangin kan duh duh na ah kan dah thei tawh ang. Example: Good luck :)Demonstration:A hnuaia thlalâk hi he thu ziah laia Pu Vana (Special Report) profile picture hman lai mêk a ni a, thlalâk ah hian rûl a khaikâng vû a ni. Mahse thlalâk dang daih a lo lan chuan Pu Vana hian a propic a thlâk tawh a, he post-a kan sawi tum ber automatic-a profile pic lo in update ve zêl chu a hlawhtling tihna a ni ang 🙂 […]

  • Film subtitle edit dan!!

    Tun țum chu movie subtitle leh software sawi pawlh teh ang. A hmasa in post heading-ah hian 'Film subtitle edit dan!!' ka ti ve ngawt tak na chu film subtitle pêk chawp dân a ni dawn lo a nia. Hetia heading ka siam nachhan chu google search atan zawk a ni. TV, computer emaw mobile device-ah film kan en a, subtitle file .srt emaw a neih bawk chuan screen hnuailamah an thusawi a rawn lang țhin tih kan hria ang a. Heng subtitle file (.srt, .sub ...) țhenkhat te hi a chang chuan HAWRAWPPUI vekin a inziak țhin a, a chang chuan ri hriatna lama harsatna neite (Hearing Impaired) tana chhiar ve theih turin an dah tel bawk țhin. Chung subtitle ho ah chuan picture #1 a kan hmuh ang hian subtitle kan download tur file-ah 'beng lem' a lo awm ang a, website țhenkhat ah erawh chuan a thu in 'HI' tih ringawt a lo inziak bawk ang.100:00:01,768 --> 00:00:09,608[PROJECTOR CLICKING, D...]200:00:09,610 --> 00:00:57,289[TIRES SQUEAL]300:00:57,291 --> 00:02:05,124[MUSIC FADES SLOWLY...]400:02:05,126 --> 00:02:26,945[BEEPING AND CLICKING...]500:02:26,947 --> 00:02:34,520JAMES: NATHAN? TALK TO ME.NATHAN: YES, TONIGHT.Chung subtitle te chu hawrawppui veka a inziah emaw, 'HI' (hearing impaired) te tana inziak chunga TV a chhuah anih țhin hian mihring kan in an miau loh avangin tam tak tan chuan film en min ti tuilo tu pakhat a ni ve thei a ni.Aw le, khing kan sawi te khi tunah chuan software hmangin en nuam zawk leh awlsam tak ni bawk siin dah (convert) i han tum teh ang. Subtitle file (.srt etc) hi Windows chhawm sa 'notepad' hmanga hawna edit chuan thu țhenkhat te chu 'Find & Replace' hmangin kan thlak thei mai ang a, entirnan a chunga subtitle kan hmuh ah khian "JAMES:" leh "NATHAN:" tih khi search-na tur ah kan dah ang a, replace-na turah engmah kan dah lo thung ang a, tichuan a film pumpuiah 'HI' te tana an ziah JAMES leh NATHAN te chu a awm tawh lo ang. Chutiang chiah chuan square brackets chhung [...] ami te pawh khi kan ti leh anga mahse line hnih/khat chauh brackets chhunga awm ho te erawh khi chu a paih thei thung ang! A chhan chu brackets chhung ah thu inang lo chi hrang hrang a awm tak vâng a ni.Hetah chiah hian software tê leh zângkhai, thil tih theih ngah (powerful) bawk si, coder tam takin an hman ber NOTEPAD++ țangkaina a lo lang ta a ni. Tunah chuan sawi duah tawh lovin subtitle file, a bikin Hearing Impaired subtitle, en nuam zawkin i han edit/convert dawn teh ang.A hmasa berin kan subtitle file edit tur chu read-only mode-ah a awm tur a ni lo: Right-click subtitle > Properties > Read-only.Subtitle file chu kan right-click leh anga Edit with Notepad++ hmangin kan hawng ang a, a hmasa berin a chhunga thu te chu HAWRAWPPUI veka an lo awm chuan CTRL+A hmangin emaw Edit > Select All hmangin kan select vek hnuah kan right-click leh anga, 'lowercase' tih kan click hnuah subtitle pumpui chu hawrawptê ah an lo inthlak vek ang { Keyboard shortcut: CTRL+U }. [Pic #2]A dawt leh ah chuan square brackets chhunga thu hrang hrang awm te hi a ruala kan paih vek dawn chuan Notepad++ feature pakhat 'regex' mode hmangin kan paih thei dawn a ni. Picture #3 ami ang hian kan 'find' tur laiah \[(.*?)\] hi kan dah anga, chumi hnuah cursor chu line no. 1-ah kan dah leh anga REPLACE ALL kan click hnuah chuan square brackets chhungah eng thu pawh awm se, subtitle pumpui ami chu seconds reilote chhungin a paih vek ang. [Pic #4]Tin, subtitle țhenkhat ah chuan square brackets aiah brackets pangngai () an hman hun a awm anga:200:00:09,610 --> 00:00:57,289(tires squeal)300:00:57,291 --> 00:02:05,124(music fades slowly...)chutiang anih erawh chuan kan regex hman \[(.*?)\] aiah hian \((.*?)\) hi hman leh mai tur a ni. (Regex hi ka man hleih theih thlawt loh avangin ka sawi zau thei bik lo a, a hman dân thiam tan chuan turu tak a ni! A hrechiang leh zir peih tan chuan google-ah en tur kan hmu țeuh awm e.)Tikhan subtitle edit/convert chu kan zo ta a. Cable TV lama film playback țhin te pawh hian subtitle a ngai ngaia convert emaw play hnan tawp lovin, minute 1 chhung leka zawh vek theih anih bawk si avangin hetiang hian ti țhin ta ila, en a va nuam lehzual dawn em!. […]

  • Trangtrialman

    Kum 2011 khan website a TRI hman dan thiam ang tawkin ka lo ziak ve tawh a, tun \umah pawh hian a chi dang deuh, Blog-a hman dan kan sawi leh dawn a ni. A hmaa ka lo ziah tawh dan ang khi tun thlengin la hman theih mahse mobile \henkhat a\ang chuan 'backslash' emaw ¦ character ang hian a lang daih dawn a ni. Engtikah emaw chuan mobile browser hrang hrang a\ang pawha a lan dik vek theih hun a la awm ngei ang (http://caniuse.com/fontface). Chubakah a chunga method ang chi khi chu mahni a blog install chawp nilo, free blog hosting (Blogger/Wordpress etc.) hnuaia blog neite tan chuan kan fonts hman duh entirnan VNT Arial ang chi kha hosting danga upload chawpa link kual leh kha a buaithlak a ni.Aw le, tunah chuan Trangtrialman hi ti |ang\ialman tawh ang aw! He thu pawh hi mobile \henkhat a\ang chuan 'tri' hawrawp a lan leh theih dawn loh avangin 'backslash' emaw ¦ character lo lang ngawt tur aiah T t (Tangtialman) in a inthlak ang. | (tri) chhut nan hawrawpte aia 'backslash' key leh hawrawppui aia ¦ character hman hi Pu Vanneihtluanga fonts siam VNT Arial/Times-ah te mi tam zâwkin kan lo hriat common sa tawh avangin kan hman chhunzawm dawn a ni. A tihdan (Blogger/Blogspot hnuaia blog neite tan):Step 1: Blogger dashboard-ah kalin i blog template hmanlai mek select la, click Edit HTML(Click to enlarge)Step 2: Template editor a lo lan kim hnuah keyboard a\ang CTRL+F hmet la, search box-ah </title> tih hi chhu la, a zawn hmuh a rawn highlight anga, chumi hnuai chiah ah chuan a hnuaia code hi i paste dawn nia.(Click to enlarge)Step 3: Step 2-na ang khian CTRL+F hmet leh la, </head> tih hi search tawh thung la, a rawn highlight leh hunah </head> chung chiahah a hnuaia code hi i paste leh dawn nia.Step 4: Save Template. Tikhan a \ul ang chu kan ti zova, tun a\ang chuan thu kan chhut apiangin hawrawppui | (tri) kan hman duh na laiah ¦ (pipe) kan dah anga, hawrawpte kan hman duh na laiah 'backslash' kan dah thung tawh ang. Tichuan mobile a\anga lo en tu ten hawrawp ruak ringawt hmu lovin a aiah T t an hmu thung dawn a ni.(Pipe and backslash)Credit: "Cowboy" Ben Alman - jQuery replaceText plugin […]

  • Hello World

    WordPress blog te chu install in nei ve ṭhin mah ila blogger ka nih miau loh avangin ka update khâtin ka dah khawhar ṭhin hle. Hei tun ṭum chu mahni sum sên ngai hauh lovin company hausa leh rin ngam Google Blogger hnuaiah blog kan siam thar leh chu a nia, a enkawl lam pawh he blog-ah hi chuan ka taima ve deuh tawh tûrah han ngai phawt mai ila :)Blog address atân hian ka nickname lonelycowboy a hman theih tawh loh avângin kaubawi.blogspot.in ka thlang a, hei hi ka website nên link leh nghâlin browser address bar-ah kaubawi.blogspot.in hmanga luh chuan blog.lonelycowboy.in ah a redirect ang. Hemi ka sawi kher nachhan chu Mizo blogger tam tak, blog update peih tak tak leh contents nei ṭha tak tak, an blog hming leh address hriat mai harsa deuh te a awm ṭhin a; chûng ho chuan pawisa tlêmte chauh chawiin an duh ber domain hming chauh lei se, tichuan blogger emaw wordpress-a an blog neihsa nên link ta mai se tih ka rawt duh vâng a ni e 🙂 […]

Site News

  • 2017

    Site Update

    Static HTML atangin WordPress ah website hi kan thlâk chhin chu ania. 🙂 08/08/2017

Contact Me